ХАН-УУЛ ДҮҮРГИЙН ЗАСАГ ДАРГЫН ДЭРГЭДЭХ БАЙГУУЛЛАГУУДЫН УДИРДАХ АЖИЛТНУУДЫН 2022 ОНЫ 03 ДУГААР САРЫН 15-НЫ ӨДРИЙН ШУУРХАЙ ЗӨВЛӨГӨӨН ДЭЭР ДҮҮРГИЙН ЗАСАГ ДАРГААС ӨГСӨН ҮҮРЭГ ДААЛГАВАР /№10/
2022 оны 03 дугаар сарын 15 Улаанбаатар хот
| № | Өгөгдсөн үүрэг даалгавар | Хариуцах хэлтэс, албад | Хяналт тавих албан тушаалтан |
| 1 | Сургууль, цэцэрлэгийн хүүхдүүдийн дунд томуу, томуу төст өвчний дэгдэлт их байгаа тул өвчлөлийг бууруулах, урьдчилан сэргийлэх зохион байгуулалтын арга хэмжээг авч, эцэг эх, асран хамгаалагчдыг зөвлөгөө, мэдээллээр хангах | Нийгмийн хөгжлийн хэлтэс, Боловсролын хэлтэс | Засаг даргын орлогч А.Амартүвшин |
| 2 | Хөрөнгө оруулалт, бүтээн байгуулалтын ажлуудыг шуурхай хийж гүйцэтгэх, хариуцсан ажлууддаа анхаарах. /Эко ахмадын сувилал, 15, 16 дугаар хороодын цэцэрлэгийн барилга, Зайсан орчмын хотхонуудын усан хангамжийн төвлөрсөн систем/ | Төлөвлөлт, гүйцэтгэл, мониторингийн хэлтэс, Тохижилт, ногоон байгууламжийн гүйцэтгэл, хяналтын хэлтэс | Засаг даргын орлогч С.Сайнбаяр |
| 3 | Дүүргийн нутаг дэвсгэрт зөвшөөрөлгүй барьсан гараашийг чөлөөлөх ажлыг зохион байгуулах. /14 дүгээр хороонд зөвшөөрөлгүй барьсан хашааг буулгах, холбогдох албан тушаалтнууд тухайн иргэдтэй уулзах/ | Газар зохион байгуулалтын алба | Засаг даргын Нэгдүгээр орлогч Б.Цэрэн |
| 4 | Гэмт хэрэг, зөрчил, архидан согтуурахтай тэмцэх, урьдчилан сэргийлэх чиглэлээр Цагдаагийн газар, Мэргэжлийн хяналтын хэлтэс хамтран санал боловсруулж, захирамжийн төсөл танилцуулах. | Цагдаагийн газар, Мэргэжлийн хяналтын хэлтэс | Засаг даргын Нэгдүгээр орлогч Б.Цэрэн |
| 5 | Түгээмэл тархацтай ашигт малтмал олборлогч аж ахуйн нэгж байгууллагуудын олборлолт тээвэрлэлтэд хяналт тавьж ажиллах | Агаар орчны бохирдлын хяналтын тасаг, Цагдаагийн газар, Мэргэжлийн хяналтын хэлтэс | Засаг даргын Нэгдүгээр орлогч Б.Цэрэн |
Жич: Үүрэг даалгаврын биелэлтийг 2022.03.25-ны өдрийн 12:00 цагаас өмнө /khanuul.1208@gmail.com/ цахим хаягаар хүлээн авна