2023 оны 02 сарын 08-ны өдөр Дугаар А/79 Улаанбаатар хот
Мал амьтны шилжилт хөдөлгөөнийг
хориглох тухай
Монгол Улсын засаг захиргаа, нутаг дэвсгэрийн нэгж, түүний удирдлагын тухай хуулийн 66 дугаар зүйлийн 66.1, Мал, амьтны эрүүл мэндийн тухай хуулийн 6 дугаар зүйлийн 6.4, Засгийн газрын 2019 оны 43 дугаар тогтоолыг тус тус үндэслэн ЗАХИРАМЖЛАХ нь:
- Улсын хэмжээнд мал, амьтны гоц халдварт шүлхий, бог малын мялзан, хонины цэцэг өвчний тархалт их байгаатай холбогдуулан халдвар зөөвөрлөгдөн, дамжин тархах эрсдэлээс урьдчилан сэргийлэх зорилгоор Хан-Уул дүүрэг дэх Мал эмнэлгийн тасгийн саналыг үндэслэн дүүргийн нутаг дэвсгэрт гаднын аймаг, сумдаас бог мал (хонь, ямаа), бод мал (үхэр)-ыг 2023 оны 06 дугаар сарын 01-ний өдрийг хүртэл хугацаанд оруулахгүй байх, шилжилт хөдөлгөөн хийхийг хориглосугай.
- Дүүргийн нутаг дэвсгэрт мал амьтны гоц халдварт өвчнөөс урьдчилан сэргийлэх ажлыг эрчимжүүлэх, мал амьтан оруулахгүй байх чиглэлээр зохион байгуулалтын арга хэмжээ авч ажиллахыг Хүнс, худалдаа үйлчилгээний хэлтэс (Л.Саруултуяа)-т, Мал эмнэлгийн тасаг (С.Эрдэнэдалай)-т, Онцгой байдлын хэлтэс (Хурандаа Д.Бат-Эрдэнэ)-т, мал бүхий хороодын Засаг дарга нарт, мал, амьтны шилжилт хөдөлгөөнд хяналт тавьж ажиллахыг дүүрэг дэх Цагдаагийн газар (Хурандаа Т.Дамбийням)-т тус тус үүрэг болгосугай.
- Захирамжийн хэрэгжилтэд хяналт тавьж, удирдлага, арга зүйгээр хангаж, илэрсэн зөрчлийг шуурхай арилгуулах арга хэмжээ авч ажиллахыг Засаг даргын орлогч (Б.Цэрэн)-д даалгасугай.
ЗАСАГ ДАРГА Ж.АЛДАРЖАВХЛАН