НИЙСЛЭЛИЙН УДИРДАХ АЖИЛТНУУДЫН 2022 ОНЫ 02 ДУГААР САРЫН 21-НИЙ ӨДРИЙН ЭЭЛЖИТ ШУУРХАЙ ЗӨВЛӨГӨӨН ДЭЭР НИЙСЛЭЛИЙН ЗАСАГ ДАРГЫН ЦАХИМ ХӨГЖИЛ, ХУУЛЬ, ЭРХ ЗҮЙ, ТӨРИЙН ҮЙЛЧИЛГЭЭНИЙ АСУУДАЛ ХАРИУЦСАН ОРЛОГЧООС ӨГСӨН ҮҮРЭГ ДААЛГАВАР /№04/
2022 оны 02 дугаар сарын 21 Улаанбаатар хот
| № | Хэрэгжүүлэх байгууллага | Өгөгдсөн үүрэг даалгаврын товч агуулга | Хугацаа | Хяналт тавих албан тушаалтан |
| 1 | Санхүү төрийн сангийн хэлтэс, Татварын хэлтэс, нийт байгууллага | 2022 оны төсвийн орлогын төлөвлөгөөний биелэлтийг жигд ханган, орлогын эх үүсвэрийг нэмэгдүүлэх, бааз суурийг өргөтгөх чиглэлээр тодорхой ажил зохион байгуулж ажиллах. | Ажлын 8 хоног | Засаг даргын орлогч С.Сайнбаяр |
| 2 | Төлөвлөлт гүйцэтгэлийн хяналтын хэлтэс, Худалдан авах ажиллагааны алба | Нийслэлийн Засаг даргын 2022 оны “Хөрөнгө оруулалтын ажлыг эрчимжүүлэх тухай” А/212 дугаар захирамжийн хэрэгжилтийг заалт тус бүрээр сайтар хангаж, хэрэгжилтэд хяналт тавьж ажиллах. | Ажлын 8 хоног | Засаг даргын орлогч С.Сайнбаяр |
| 3 | Нийгмийн хөгжлийн хэлтэс, Хүнс, худалдаа, үйлчилгээний хэлтэс, Мэргэжлийн хяналтын хэлтэс, Онцгой байдлын хэлтэс, нийт байгууллага | 2022 оны 02 дугаар сарын 14-ний өдрөөс эхлэн халдварын тархалтын “Шар түвшин”-д шилжсэнтэй холбогдуулан “Коронавируст халдвар (Ковид-19)-ын тархалтын түвшинд үндэслэн хүн, хуулийн этгээдийн үйл ажиллагааг зохицуулах журам”-д заасныг баримтлан халдвар хамгааллын дэглэмийг сахиж, амны хаалт тогтмол зүүж, гараа ариутган, дархлаа сэргээх нэмэлт тунд ажилчдаа бүрэн хамруулж, иргэн, аж ахуйн нэгж, байгууллагыг уриалж ажиллах. | Ажлын 8 хоног | Засаг даргын орлогч А.Амартүвшин |
| 4 | Нийгмийн хөгжлийн хэлтэс, Боловсролын хэлтэс | Ерөнхий боловсролын сургууль, цэцэрлэгүүдэд Коронавируст халдвар (Ковид-19)-аас сэргийлэх халдвар хамгааллын дэглэмийг чанд мөрдүүлж, цэцэрлэг, сургуулийн орчинд эцэг, эх, хүүхдүүдийн бөөгнөрөл үүсгэхгүй байхад анхаарч, хэрэгжилтэд тогтмол хяналт тавьж ажиллах. | Ажлын 8 хоног | Засаг даргын орлогч А.Амартүвшин |
| 5 | Мэргэжлийн хяналтын хэлтэс | Барилга угсралтын ажлын явцад гарч болзошгүй аюул, ослоос урьдчилан сэргийлэх, хөдөлмөрийн аюулгүй байдал, барилгын норм, дүрэм, стандартын хэрэгжилтийг хангуулж, барилга угсралтын ажлын орчин тойрны өнгө үзэмжийг сэргээх. | Ажлын 8 хоног | Засаг даргын Нэгдүгээр орлогч Б.Цэрэн |
| 6 | Хог, орчны бохирдол зохицуулалтын хэлтэс, “Тохижилт үйлчилгээний төв” ОНӨААТҮГ, “Хан-Уул Агро” ОНӨААТҮГ, “Хан эко тээвэр” ОНӨААТҮГ, “Эко хотын тээвэр” ОНӨААТҮГ, Газар зохион байгуулалтын алба | Нийслэлийн нутаг дэвсгэрт байгаа далан суваг, борооны ус зайлуулах шугам сүлжээний барилга байгууламж, гуу жалга нийтийн эдэлбэр газрын хог хаягдал, цас цэвэрлэгээний ажлыг зохион байгуулах. | Ажлын 8 хоног | Засаг даргын орлогч С.Сайнбаяр |
Жич: Үүрэг даалгаврын биелэлтийг 2022.03.02-ны өдрийн 12:00 цагаас өмнө /khanuul.1208@gmail.com/ цахим хаягаар хүлээн авна.